注意：此文章排除於CC BY-SA 4.0條款以外，版權歸原作者（羊先生）所有。
未經作者同意，任何人不得冒名、修改、重製、剽竊、抄襲、仿作、轉載文章至其他地方。
第十章
鈴……鈴……
誰? 呀Sam嗎?
「Fiona，你上次講嗰個畫家呢，喺香港會有畫展呀」
哦，原來是Gary的whatsapp。我不禁有點失望。
「係? 幾時有得睇呀? 」不過我還是很有興趣。
「下禮拜有啦，喺香港藝術館。你下個禮拜六得唔得閒呀? 一齊去睇吖」
『唔知呀Sam鐘唔鐘意睇呢? 嗯……或者睇咗一次先再同佢睇都好喎。』
正當我想回覆Gary沒有問題的時候，電話響起來了。
小惠?
*****************
*****************
「喂，Fiona」
「咩事呀小惠」
「係咁嘅，想問下你呢，情人節嗰日有無人約呀? 」
「無……無呀 ，做咩咁問呀？」
「無就啱啦，我想約你。」
「吓？你約我？」
「係呀！我想你教我整朱古力呀！」
「嘻！小惠你想整比邊個呀？」
「我想整比……表哥……」
「整……整比呀Sam？」
「仲有Michael啦，呀君啦，樂言啦。」
「……哦……好呀！咁去邊度整？」
「去你屋企呀！得唔得呀？」
「嗯！好呀！咁……下晝兩點？」
「ok，咁我哋整完朱古力夜晚同佢哋一齊食飯啦！」
「嗯！好呀！」
我掛了電話，呼了一口氣，昨晚答應呀鋒的事終於完成了。
昨晚房間中。
呀鋒突然大叫﹕「係喎小惠，再下個禮拜六係情人節喎！」
情人節嗎？我有機會跟呀鋒一起過情人節嗎？
呀鋒拍了我一下﹕「喂，你估我約Fiona嘅話成唔成功呀啦？」
看來只是我的妄想吧？我不禁苦笑。
「我覺得未係時候囉。」其實是我還未下定決心離開你。
「唔係呀，我覺得呢排同Fiona親密咗好多喎。」呀鋒的樣子滿有決心的。
我急了起來﹕「唔……唔怕話埋比你知喇，我有探聽過Fiona口風，佢話而家仲未有心理準備拍拖。」盧家惠你在幹甚麼？！你怎麼說謊了？你忘記你的目的了嗎？
呀鋒一臉失望﹕「吓？係呀……咁幾時先得呀？」
我淡淡道﹕「比心機慢慢再煲下先啦，而家又唔係淥杯面。」
呀鋒很擔心的樣子﹕「但係我驚嗰個Gary會出手約Fiona喺情人節出去喎……」
我白了他一眼﹕「Fiona再純情都應該知道情人節同一個男仔單獨去街係代表咩意思啩？」
呀鋒不知所措﹕「係就係，但有啲嘢好難講嘛。可能佢唔知嗰日係情人節呢？……唉……唔怕一萬，最怕萬一呀……」
我看不下他這個樣子，於是揮了揮手道﹕「得啦得啦！我同你約咗佢先好未？咁嗰日佢同我一齊你就唔驚啦？」
呀鋒馬上回覆了生氣﹕「都係小惠你最好！」
「唔駛講咁多嘢，爭我一餐半島high tea。」
呀鋒馬上拉長了臉﹕「吓？老麥high tea得唔得呀？最多食McCafe呀。反正你都覺得麥記好食。」
「唔得！」
*****************
*****************
情人節嗎? 我還在想呀Sam會不會約我，若果他約我的話我要應約嗎?
想得臉頰有點發熱，我搖了搖頭，不再胡思亂想。找來日曆一看，發現情人節正好是下個星期六，那麼Gary是想在情人節約我嗎? 不過他只是約我看畫展，應該沒有甚麼吧。現在約了小惠，那就去不了。
「Sorry呀，我下個星期六唔得閒呀……」
「咁呀，咁早一日星期五呢? 」
星期五嗎? 那天我和Sam都是dayoff，不知道Sam會不會約我……嗯……只是下午去應該沒問題吧?
「星期五下晝可以呀」
「good，咁就下星期五下晝三點? 」
「好呀」
*****************
「喂！你兩個今晚無嘢做㗎啦? 」
呀君扁扁嘴﹕「Sam哥你唔係潤我哋呀? 明知道今日係情人節，我哋兩個小毒撚肯定要獨自打飛機啦……」
Michael不屑道﹕「巴閉啦，啲人肯定約咗Fiona而家過嚟耀武揚威啦！」
我搭著他倆的肩膊﹕「又唔好睇到我咁衰，雖然我今晚真係約咗Fiona，但其實我係約埋小惠一齊……」
我還未說完，他倆已經大呼小叫﹕「仲要玩埋3P? 唔駛咁臭串呀? 」
「屌你哋聽我講埋先啦。我驚單獨約Fiona會約唔到，咁咪諗住叫埋小惠同埋你哋囉。」頓了頓又道﹕「嗱而家明益你哋，今晚唔駛食自己之餘仲可以同兩個靚女食飯，話唔定仲有朱古力收添喎！」
呀君一臉懷疑﹕「係唔係呀? 仲有朱古力收? 」
我笑道﹕「小惠佢約咗Fiona晏晝去整朱古力，咁知道今晚約咗你哋，點都會整埋你哋嗰份啩。」
Michael和呀君聽後馬上舉手參加。
傍晚時份，宿舍lounge。
「朱古力！朱古力！朱古力！朱古力！」Michael和呀君兩個傢伙看見小惠和Fiona馬上大呼小叫。
Fiona笑道﹕「嗱~」然後拿出一早預備好的朱古力給他們。
小惠道﹕「一早預咗你兩隻嘢啦~」然後又將朱古力給他們。
「影相影相！」「我又要！」
他倆纏著小惠和Fiona要一起合照，好讓他們將照片放上facebook讓別人羡慕。
弄了好一會兒，她倆終於滿足了這兩個難纏的傢伙。
「Sam。」Fiona輕輕叫著我的名字。
「送比你㗎。」她將朱古力遞給我。
「多謝呀！」情人節收到自己喜歡的女生的朱古力是多麼令人感動的事。
過了一會，小惠走了過來，將手上的朱古力塞了給我，若無其事的道﹕「喂，比你㗎。」
「吓? ……哦……多謝……」我接過朱古力，目睹此事的Michael和呀君已經在背後大吵大嚷。
「嘩搞錯呀！小惠你偏心呀！呀Sam嗰份大咁多！」Michael大吵。
「係喎係喎！Fiona比呀Sam嗰份大啲我哋就明啫，點解小惠你比呀Sam嗰份都大啲㗎? 」呀君大嚷。
小惠滿臉通紅，大聲道﹕「咁……咁佢係我表哥嘛，比大份啲比佢都唔得呀? 駛唔駛問過你兩隻嘢呀? 」
Michael和呀君噤若寒蟬，連連揮手﹕「唔駛唔駛……」
我也能理解小惠給我的也大一點，畢竟我是她的未來老公嘛，她送給我當是送給她老公也是很自然的事。
這時我又想起了上次Fiona問我的問題，小惠喜歡我? 怎麼會? 可惜我不能跟她解釋清楚，不然Fiona一定不會誤會。
「好，外賣到，食嘢！」不用想那麼多了，小惠喜歡的是她老公，我喜歡的是Fiona，Fiona喜歡的將會是我，就是這麼簡單！
晚上十時半，我正在送Fiona回家。
在這個情人節的晚上，我倆靜靜地走在無人的行人路上，感覺十分微妙。
看著Fiona被街燈影射出來的影子，我用我右手的影子牽著她左手的影子，感覺就像真的牽著她一樣。
「Sam。」Fiona輕輕叫喚我。
「你有無興趣去睇畫展呀? 」Fiona問道。
畫展? 沒興趣。
「哦? 係咩畫展呀? 」我當然不會直說。
「印象派呀！我想睇好耐㗎啦！」Fiona興奮道。
甚麼是印象派?
「好呀。幾時去呀? 」我沒有想那麼多，難得Fiona主動約我，去那裏也好。
「聽日下晝去呀，個畫展差唔多完啦~」
「好呀！」
「呵……欠……」我掩著嘴巴，盡量小聲的打著呵欠。
看著一大堆不知所云的「名作」，只是打個小呵欠已經算是給足了面子吧！
Fiona轉個頭問我﹕「嗯？好悶呀？」糟了！還是給她發現了。
我勉強提起精神，瞪得雙眼大大的﹕「唔係呀，我好精神呀！」
Fiona微笑道﹕「你悶就出聲喎。」
我馬上搖頭﹕「唔悶唔悶，我最鐘意就係睇畫展。」
Fiona看著我﹕「真嘅? 唔好呃我喎。」
我用力的點一點頭。
我很想告訴Fiona知道，我不是悶，能夠陪著你，到哪裏都不悶。我打呵欠只是因為我很睏罷了。當然啦，若這個畫展可以變做漫畫展，而不是那些看不懂的抽象畫，我會更加有精神。
隨著Fiona聚精會神的欣賞畫作，我的靈魂因為失去了支撐，又昏昏欲睡了……
「Sam，Sam。」我聽到Fiona在叫我。
「吓？……係！係！」剛才我一直處於半夢半醒的狀態，直到Fiona呼喚魂魄才飛回來。
「睇完啦，我哋走囉。」Fiona的樣子看起來好像有點掃興。
我如獲大赦﹕「好呀好呀！」
在咖啡店裏，Fiona跟我說著剛才那些畫作，我甚麼都聽不懂，只能一直敷衍著。
「Sam，Sam！」Fiona突然叫我。
「嗯？……咩呀？」我回魂過來。
「我問你嘢呀，做咩唔答我呀？」Fiona有點生氣。
『大檸樂！Fiona問我咩呀？』我剛才元神出竅，當然沒聽到她說甚麼。
「你……你頭先問我咩呀？」我搔著頭道。
Fiona鼓起腮﹕「你都唔聽人講嘢嘅！」
我急道﹕「唔……唔係呀……啱啱我咁啱發緊吽竇咋……」
Fiona白了我一眼﹕「我問你鐘意邊個作品呀？」
我窘道﹕「er……er…….幅……幅畫都咁……有特色……好難揀喎……」
Fiona看了我一眼，又失望的看著眼前的咖啡，道﹕「你頭先根本都無心機睇，係咪呀？」
「我……我……」要說真話嗎？要說真話嗎？
Fiona繼續逼問﹕「頭先個畫展個題目係咩呀？」
唉……醜婦終需見家翁，還是老實交代吧……
我高舉雙手﹕「投降，我投降啦！」
Fiona微慍的瞪著我，沒有作聲。
我扮作無辜﹕「咁我對畫呢啲嘢真係唔識呀嘛……」
Fiona嗔道﹕「咁頭先我問你悶唔悶你又話唔悶？」
我低聲道﹕「咁我怕會掃你興呀嘛……」
Fiona沒好氣﹕「你呀，下次如果唔鐘意就出聲喇。」
我笑道﹕「其實我都可以當係學習吓嘅，如果你唔介意我係咁喺你側邊打喊露嘅話……」
Fiona馬上瞪著我，我立刻道﹕「當我無講過。」
*****************
「呵……欠……」看著呀Sam那個睏倦的模樣，我也不知道嬲好還是笑好。他又不是不知道藝術館裏靜得連蚊子飛過也會聽到，他還要五分鐘一個小呵欠，十分鐘一個大呵欠，害得別人都看過來，弄得我多窘。
「嗯？好悶呀？」我忍不住問他。
「唔係呀，我好精神呀！」唉呀這個人，還要矢口否認。
算了算了，看了一會，連我都受不了他，連忙拉著他離開。
還好已經跟Gary來看過，不然真的很可惜。說起來，原來Gary曾經學畫，所以對這方面特別有研究，聽著他解說每幅畫背後的故事，又或是作畫者的心境，都讓我大開眼界，下次若有甚麼畫展，定要找他陪我。
唉……若果Sam能像Gary和我有共同愛好，那該多好。
未完待續
注意：此文章排除於CC BY-SA 4.0條款以外，版權歸原作者（羊先生）所有。
未經作者同意，任何人不得冒名、修改、重製、剽竊、抄襲、仿作、轉載文章至其他地方。
